Det gledar meg stort at DAT held fast på Florø, og det er ikkje overraskande at passasjertalet gjekk opp etter at Widerøe fekk rutene til Flesland og Gardermoen. Eg vonar dei kjem attende for fullt ein dag. Widerøe er berre trist til samanlikning.
+ DAT serverer kaffi på flyet.
- Widerøe serverer ikkje kaffi. Dei sel øl i staden. Klokka 7 om morgonen treng eg kaffi, ikkje øl!
+ Med DAT kunne ein alltid få tak i billettar til 350 kroner på alle avgangar om ein var ute i tide. Om ein var for sein, var neste steg ca 600 kroner.
- Widerøe skal visst ha billettar til 400 kroner. Det er heilt tilfeldig når dei dukkar opp, men det er heilt sikkert at dei ikkje kjem på avgangar på vituge tider. Det er ikkje ofte eg finn billettar til under 850 kroner når det passar å reise.
+ Flya til DAT er større og meir komfortable.
- Flya til Widerøe er mindre, bråkar meir i kabinen og kjennest generelt meir vinglete.
Det seiest at ein slepp å flytte bagasjen når ein skal byte fly med Widerøe. Det har eg ikkje prøvd. Etter at Widerøe tok over, har det vorte for dyrt å fly heile vegen når familien skal ut og reise, so vi køyrer heller til Flesland, Torp eller Gardermoen og tek fly direkte derifrå. Kanskje DAT kunne slå til med ei rute til Torp?
